تصحيح شكل الكود "linting" والتطبيق مع دارت "dart" 💡


المحتوي :

  • يعني ايه linting
  • الفائده من استخدامه
  • المكتبات الي هتساعدك في الموضوع

لو حابب تعرف الموضوع من المصدر الرسمي : Customizing static analysis

يعني ايه linting

لغه يعني " الفحص " والمقصود هنا فحص الكود الي انت كتبته علشان يخليك تكتب الكود باحسن طريقه بالاضافه انه ممكن ينبهك لبعض المشاكل في الكود 
من بعض الاستخدامات مثلا 

هنا مثلا التنبية ده هيظهر بعد استخدام مكتبة من مكتبات ال linting والهدف منه انه بيقولك انت دلوقتي عندك متغير final يعني لازم ياخد قيمة وانت ادتلو قيمتة ولما اخد القيمه عرف منها نوع المتغير ايه بما اني اديتو String ففهم ان المتغير ده من نوع String وهيفضل دايما ثابت انو من نوع String وقيمته ahmed فاستخدامك لكلمه String في الكود ملهوش لازمه نهائي هنا فالاحسن تشيلها !
 ده ابسط مثال لموضوع ال linting !

الفائده من استخدامه 

  • تقيل من احتمالية وجود اخطاء في الكود 
  • كود افضل واسهل في القرائة
  • المحافظة علي المعايير القياسية في الكود ( code style guideline )
  • شكل الكود كانو من شخص واحد ( الكل بيكتب بنفس المعايير ومحافظ علي نفس الشكل (style)
ودول علي سبيل المثال 

طب استخدم الموضوع ده ازاي مع دارت  ؟ (وفلاتر طبعا بما انها عباره عن كود دارت )
تقدر تعمل بنفسك ملف الــ analysis_options.yaml في ال root بتاع البروجكت  (جنب ملف ال pubspec.yaml) وتحط فيه القواعد الي هتكون ال style الي الكل هيمشي عليه في المشروع
الموضوع هناء بدائي ويفترض ان شخص عنده خبره كبيره يحط القواعد دي ويظبط الملف ده كويس

طب لو لسه خبرتك مش قد كدا ومحتاج تلتزم ب style معين حد خبير عملو ؟ 
تقدر تسخدم مكاتب متخصصه للموضوع ده زي 

  • pedantic  ( الاولي في الترتيب والمستخدمه من قبل مهندسين جوجل مع دارت ).

  • lint ( القواعد فيها اشد من الاولي ومدعومه من مجتمع دارت وفلاتر ) .

  • في مكتبات تانية غيرهم بس دول اشهر اتنين .
بعد ماتقرا عنهم وتحدد انت هتستخدم اي مكتبة منهم كل الي عليك تستخدم المكتبة في ال pubspec

وكل مكتبة ليها path معين تحطه في ملف ال analysis_options.yaml الي لسه متكلم عنو فوق ويبقي بالشكل ده 
الملخص :
  • اعمل linting مش هتخسر حاجه 
  • اقرا اكثر عن المكتبة الي هتستخدمها مش مجرد تركيب بس 
  • الموضوع مش متعلق بدارت وفلاتر بس موجود في كل اللغات 
  • تقدر تعدل علي قواعد المكتبة الي استخدمتها 
وكدا الموضوع تم بحمد الله 


المشاركات الشائعة من هذه المدونة

اختبار الكود واجمالي نسبة تغطية الاختبارات - unit testing and test coverage in Arabic

صورة
  بسم الله، والصلاة والسلام على رسول الله  ا لحمد لله الذي عَلَّمَ بالقلم.. عَلَّمَ الإنسانَ ما لم يَعْلَم  والصلاةُ والسلامُ على خيرِ مُعَلِّمي الناسِ الخير محمد.. الهم علمنا ما ينفعنا وانفعنا بما علمتنا انك انت العليم الحكيم . المحتوي :ـ    unit testing  الهدف من مثال  1 مثال 2  نسبة التغطية (test coverage) ما التالي ؟  الهدف من unit testing ضمان صلاحية الكود في اتمام المهمه المقصود بها اثناء تطوير البرنامج او خلال التركيب  مثال 1 : مطلوب كتابة دالة لمعرفة هل عمر المستخدم اكبر من 18 عام ام لا  اذا كان اكبر من 18 عام تكون True واذا كان اقل من 18 عام تكون False الان وقت اختبار الدالة ( الصحيح ان تكتب الاختبار اولا ثم الكود بعد ذلك ) لكن قمنا بالعكس للتوضيح فقط نحتاج لمكتبة  test   كـ  dev_dependencies اين يكتب الاختبار ؟  في المسار الرئيسي للمشروع داخل ملف test ملحوظة : اسم ملف الاختبار يجب ان ينتهي ب   _test.dart    ليكون بالشكل التالي بداخل ملف الاختبار دالة main بدون paramters AAA  Pattern (نمط AAA) ميكروسوفت بتقترح انك تكتب الاختبار بطريقة AAA لانهاء شائعة ومفيش مانع من التنظيم 😅
قراءة المزيد

يعني ايه api والتعامل معاها والمصطلحات ومثال بدارت للمبتدئين ( منين بيودي علي فين )

صورة
بسم الله، والصلاة والسلام على رسول الله  ا لحمد لله الذي عَلَّمَ بالقلم.. عَلَّمَ الإنسانَ ما لم يَعْلَم  والصلاةُ والسلامُ على خيرِ مُعَلِّمي الناسِ الخير محمد.. الهم علمنا ما ينفعنا وانفعنا بما علمتنا انك انت العليم الحكيم . المقصود ب client side هو جانب العميل بالجهاز الي بيستخدمها  سوا كان موقع مفتوح في متصفح او تطبيق مثبت علي الويندوز او الاندرويد او الايفون  المقصود ب server side هو السيرفير المستخدم في معالجه البيانات  سوا كان سيرفير عادي لارافل او نود او بايثون فايربيس او سترابي او اي حاجه من امثالهم - ليه محتاجين نقسم الكود علي 2 ( server - client )  ؟  اسباب مختلفة  منها مثلا :-  الحماية : لو الكود كله عند العميل ممكن يسرقة او يعدلة السرعه او الاداء : في فرق ملحوظ بين قوة جهاز العميل الي ممكن يكون جهاز متواضع موبيل بسيط او كمبيوتر مش قوي علي عكس السيرفير الي اداء ممكن يكون 100 مره اقوي من العميل وبالتالي بعض العمليات لو تمت علي جانب السيرفير هتكون اسرع بكثير  ملحوظة : ايا كان الباك اند المستخدم تقدر تعمل بيه الانواع المختلفه من الـ api والانواع المختلفه من البيانات الي هتتنقل
قراءة المزيد

bloc ! امتي تحتاجه - المميزات والعيوب - الاساسيات - مثال

صورة
موضوع البلوك متقدم ولو انت ضعيف في اساسيات dart وبالاخص جزء ال OOP الافضل تزاكر الجزء ده وتفهم يعني ايه وراثه علي الاقل لاننا هنستخدمها هنا في المقاله دي وحتي لو مش ناوي تستخدم بلوك لازال فهمك للاساسيات مهم علشان تقدر تستوعب وتطور من نفسك في المواضيع المتقدم قبل ماتكمل قراءة لازم تكون عارف يعني ايه state management فلو انت عارف تخطي الجزء ده وابدا علي طول من عند جزء البلوك يعني ايه state management لو ترجمنا المصطلح حرفيا فمعناه " تحكم في الحاله " طب حاله ايه الي هنتحكم بيها ؟ وليه ؟ تحكم في الحاله يعني مثلا انت عندك حاجه مرسومه علي الشاشه فيكن مثل Text او Icon او اي Widget الودجتس دي ليها خصائص لون , حجم خط , طول , عرض . ظل , .....الخ مجموع الخصائص دي مع بعضو اسمهم حاله "state" لل Widget بتاعتك فليكن الشكل ده مثلا دلوقتي خصاص ال Text ده فين ؟ انت حطيتها في TextStyle وراح لل build في retu r n ومبقاش عندك اي صلاحية تعدل عليه وده الكود الي عمل الشكل فوق طب ماحنا ممكن نستخدم StateFullWidget ونخزن ال style في متغير ولما نحب نغير نديلو القيمة الجديده ونعمل setState انا
قراءة المزيد